O Consello Escolar de Galicia rexeita o Decreto

O Consello Escolar de Galicia, onde todos os estamentos que compoñen a vida escolar dos nosos centros están representados, acaba de rexeitar o Decreto de Plurilingüísmo.

As declaracións do secretario xeral de Política Lingüística no sentido de que "A Xunta acepta a decisión do Consello, pero seguirá a tramitación do mesmo", non son máis que a mostra do empecinamento da actual administración educativa de ir en contra da maioría da comunidade educativa e da incapacidade para gobernar do equipo actual. Cando isto sucede e amósase de xeito tan evidente, non queda máis que dimitir.

Ruído innecesario, alcaldes.

Isto da fusión, absorción ou o que sexa, non hai quen o entenda. Falamos do tema que xurdiu entre os dous protagonistas principais, Caixanova e CaixaGalicia. Temos moitos actores que, en principio, deberían ser secundarios. A Xunta, o Banco de España, os alcaldes de Vigo e A Coruña...

Agora que as caixas firmaron un papel no que anuncian que van tratar o tema da fusión, as opinións mostradas estes días polos alcaldes de A Coruña e Vigo sobran, non son máis que ruído que complica o traballo negociador dos dous entes financieiros galegos.

Alcaldes, a calar un chisco! Deixen negociar nas condicións máis obxectivas posibles ás comisións negociadoras de ambas caixas. Porque a fusión ten que ser dalgún xeito rentable para as dúas entidades, senón, non serviría para nada. Como os beneficios desta posible operación teñen que ser para Galicia principalmente, alcaldes, déixense de localismos trasnoitados. Porque máis ou menos a conclusión do proceso vai repercutir en todos nós e todos nos xogamos algo neste tema.